ଆମେରିକା ନିର୍ବାଚନରେ ଓଡିଆ ପୁଅ କରିଦେଲେ କମାଲ ଦେଖନ୍ତୁ ଆସିଲା ବହୁତ୍ ବଡ଼ ଖବର

ନମସ୍କାର ପାଠକ ବନ୍ଧୁ। ବନ୍ଧୁଗଣ ଆମେରିକା ରାଜନୀତିରେ ଓଡ଼ିଆ ପୁଅ। ମୟୂରଭଂଜର ମୂଳ ନିବାସୀ ତଥା ରାୟଗଡ଼ା ବାସିନ୍ଦା ସମୟ ସାହୁ ଏବେ ଆମେରିକା ନିର୍ବାଚନରେ ସକ୍ରିୟ ଭୂମିକା ତୁଲାଇଛନ୍ତି। ଡେମୋକ୍ରାଟିକ ଦଳର ରାଷ୍ଟ୍ରପତି ପ୍ରାର୍ଥୀ କମଳା ହାରିସଙ୍କ ପାଇଁ ନିର୍ବାଚନୀ ପ୍ରଚାର କରୁଛନ୍ତି ସମୟ। ୨୧ ବର୍ଷୀୟ ସମୟ ଏବେ ଡେମୋକ୍ରାଟିକ ପାର୍ଟିର ଜଣେ ସକ୍ରିୟ ସଦସ୍ୟ ଅଛନ୍ତି। ସୂଚନା ଅନୁସାରେ ଏବେ ସମୟ ପରିବାର ସହ ଆମେରିକାରେ ରହୁଛନ୍ତି। ସମୟ ଆମେରିକାର ଡେମୋକ୍ରାଟିକ ପାର୍ଟିର ଜଣେ ସକ୍ରିୟ ସଦସ୍ୟ ହୋଇଥିବାବେଳେ ଆଗାମୀ ରାଷ୍ଟ୍ରପତି ନିର୍ବାଚନରେ ପ୍ରାର୍ଥୀ ହେବାକୁ ଥିବା କମଳା ହାରିସ ରାଜନୀତିରେ ପ୍ରବେଶ କରିଥିଲେ। ସମୟଙ୍କ ପିତା ମାନସ ମୟୁରଭଞ୍ଜ ଜିଲ୍ଲାର ମୂଳ ବାସିନ୍ଦା। 

ମାନସଙ୍କ ପିତା ରାୟଗଡ଼ାରେ ଚାକିରି କରିଥିବା ଯୋଗୁଁ ରାୟଗଡ଼ା ସହ ତାଙ୍କର ପରିଚୟ ବହୁ ପୁରୁଣା। ହେଲେ ମାନସ ଚାକିରି ପାଇବା ପରେ ଆମେରିକା ଚାଲିଯାଇଥିଲେ। ପରିବାର ସହ ସେ ଆମେରିକାର ନ୍ୟୁ ହାମ୍ସସାୟାର ରାଜ୍ୟର ନାସୁଆ ସହରରେ ରୁହନ୍ତି। ଚାକିରି ଛାଡ଼ି ମାନସ ଏବେ ହୋଟେଲ ବ୍ୟବସାୟୀ ଭାବେ ବେଶ ପରିଚିତ। ତାଙ୍କ ପତ୍ନୀ ଆୟଲିନ ବନିକ୍‌ ଓ ଏକମାତ୍ର ପୁଅ ସମୟଙ୍କୁ ନେଇ ତାଙ୍କର ପରିବାର। ସୂଚନା ଅନୁସାରେ ସମୟଙ୍କ ଜନ୍ମ ଆମେରିକାରେ। ୨୦୦୪ ମସିହା ଏପ୍ରିଲ ୧୯ ତାରିଖରେ ଜନ୍ମିତ ସମୟ ଆମେରିକାର ନାଗରିକତ୍ବ ଗ୍ରହଣ କରିଛନ୍ତି। ସମୟଙ୍କୁ ଯେତେବେଳେ ଚାରିବର୍ଷ ବୟସ ଅର୍ଥାତ୍ ଯେତେବେଳେ ସେ କଥାବାର୍ତ୍ତା କରି ଶିଖିଲେ ସେହି ସମୟରୁ ହିଁ ଆମେରିକା ରାଜନୀତି ଉପରେ ତାଙ୍କର ବେଶ ରୁଚି ଦେଖିବାକୁ ପାଇଥିଲେ ମାନସ। 

୨୦୦୮ରେ ଡେମୋକ୍ରାଟିକ ଦଳର ବାରାକ୍‌ ଓ ବାମାଙ୍କ ରାଷ୍ଟ୍ରପତିତ୍ବ ନିର୍ବାଚନ ଚାଲିଥାଏ। କୁନି ବୟସରେ ମଧ୍ୟ ସେ ବାରାକ୍‌ ଓ ବାମାଙ୍କ ସମ୍ପର୍କରେ ଜାଣିବା ପାଇଁ ଆଗ୍ରହ ପ୍ରକାଶ କରିବା ଓ ଡେମୋକାଟ୍ରିକ ଦଳ ବିଷୟରେ ଜାଣିବା ପାଇଁ ବିଶେଷ ଆଗ୍ରହ ଦେଖାଉଥିଲେ। ଛାତ୍ର ଜୀବନରେ ପାଠପଢ଼ା ସହ ରାଜନୀତିରେ ଅଧିକ ସମୟ ବିତାଉଥିଲେ ସମୟ। ତାଙ୍କୁ ପିତା,ମାତା ବାରଣ କରୁଥିଲେ ମଧ୍ୟ ରାଜନୀତିରେ ତାଙ୍କର ଅହେତୁକ ଆଗ୍ରହ ଦେଖି ତାଙ୍କୁ ରୋକିପାରି ନଥିଲେ ପରିବାର ଲୋକ। ୨୦୧୨ ମସିହାରେ ନିର୍ବାଚନ ପୂର୍ବବର୍ତ୍ତୀ ରାଲିରେ ଡେମୋକ୍ରାଟିକ ଦଳର ଛାତ୍ର ଦଳର ନେତୃତ୍ବ ନେଇଥିଲେ ସମୟ। ୧୨ବର୍ଷ ବୟସରେ ରାଜନୀତିରେ ତାଙ୍କର ଏଭଳି ରୁଚି ଦେଖି ଡେମୋକ୍ରାଟିକ ଦଳର ନେତା ମଧ୍ୟ ସମୟଙ୍କୁ ବେଶ ପ୍ରଶଂସା କରିଥିଲେ ୨୦୨୦ ମସିହାରେ ସକ୍ରିୟ ରାଜନୀତିରେ ପ୍ରବେଶ କଲେ ସମୟ। 

ସମୟ ହାଇସ୍କୁଲରେ ଭାଇସ ଚେୟାରମ୍ୟାନ ହେବାର ଗୌରବ ଅର୍ଜନ କରିଥିଲେ। ଏହାଛଡ଼ା ଡେମାକ୍ରାଟିକ ଦଳର ପ୍ରାର୍ଥୀ ଭାବେ ସେ ରିପବ୍ଲିକ ପାର୍ଟି ପ୍ରାର୍ଥୀଙ୍କୁ ପରାସ୍ତ କରି ଚର୍ଚ୍ଚା ସାଉଁଟିଥିଲେ। ଛାତ୍ର ଜୀବନରୁ ରାଜନୀତି ଆରମ୍ଭ କରିଥିବା ସମୟ ଗତବର୍ଷ କଲେଜ ଜୀବନ ଆରମ୍ଭ କରିଛନ୍ତି। ଆମେରିକାର ଆଗାମୀ ନିର୍ବାଚନରେ ରାଷ୍ଟ୍ରପତି ପ୍ରାର୍ଥୀ କମଳା ହାରିସ ସମୟଙ୍କ ରାଜନୈତିକ କ୍ୟାରିୟରକୁ ପ୍ରଶଂସା କରିବା ସହ ତାଙ୍କର ସାଙ୍ଗଠନିକ ଦକ୍ଷତାକୁ ଉଚ୍ଚ ପ୍ରଶଂସା କରିଛନ୍ତି। କମଳାଙ୍କ ମୁହଁରୁ ପ୍ରଶଂସା ପାଇବା ପରେ ବେଶ ଉତ୍ସାହିତ ସମୟ। ଡେମୋକ୍ରାଟିକ ଦଳର ନେତାଙ୍କ ପାଇଁ ଭାଷଣ ଦେବା ହେଉ କିମ୍ବା ରାଲିରେ ସମ୍ବୋଧନ ଦେଇ ବେଶ ଚର୍ଚ୍ଚିତ ସମୟ। ରାଜନୀତିରେ ସମୟଙ୍କ ଭଳି ଯୁବ ପ୍ରତିନିଧିତ୍ୱ ଓଡ଼ିଆ ଯୁବପିଢ଼ିଙ୍କ ପାଇଁ ପ୍ରେରଣା ନିଶ୍ଚୟ ।